युनिसेफकाे सहयोगमा सुर्खेतकाे पञ्चपुरी नगरपालिकामा रहेका जनप्रतिनिधि तथा प्रधानाध्यापक हरु बिच सिकाई निरन्तरता अभियान प्रबाेधिकरण तथा शिक्षा प्रतिकार्य याेजना निर्माण कार्यक्रम अाज बाबियाचाैरमा सम्पन्न भएको छ । कार्यक्रममा बिद्यार्थीलाई सिकाउनु पर्ने विधि, काेराेनाका कारण बिद्यार्थी र बिद्यालयमा पारेकाे प्रभाव, अहिलेकाे अबस्थाकाे बारेमा छलफल गरिएको छ । त्यसैगरी बिद्यालयमा बालबालिकालाई नियमित गराउन गर्नुपर्ने प्रयासका बारेमा समेत छलफल गरिएको छ । त्यसैगरी कार्यक्रम बिद्यालयमा सञ्चार सञ्जालिकरण कार्यबिधि २०७७ काे बारेमा छलफल गरिएको छ ।
शिक्षा प्रतिकार्य याेजनामा काेराेना फैलिएर बिद्यालय बन्द भएमा, अांशिकरुपमा बिद्यालय संचालन भएमा र काेराेना जाेखीमका बाबजुत बिद्यालय संचालन गर्नुपरेमा के गर्ने बिषयमा छलफल तथा याेजना निर्माण गरिएको छ । कार्यक्रम मा सामुदायिक बिद्यालय ब्यबस्थापन समिति कर्णाली प्रदेशका अध्यक्ष गाेबिन्द काेइराला, केन्द्रीय सचिव देबि खड्का लगाएतले सहजिकरण गर्नुभएको हाे । समापन कार्यक्रममा पञ्चपुरी नगरपालिका उप प्रमुख मुक्ति रेग्मीले पठनपाठनका बिषयमा शिक्षककाे भुमिका महत्त्वपूर्ण हुने र नगरपालिकाले सहजिकरणमा सहयोग गर्ने बताउनुभएको छ ।
