११ असोज, सुर्खेत
विद्याज्योति माध्यमिक विद्यालय पञ्चपुरी ५ बाबियाचौर सुर्खेतको आयोजनामा विद्यालयमा अभिभावक भेला गरिएको छ । विद्यालयले सामाजिक परीक्षण सार्वजनिक प्रथम त्रैमासिक परीक्षाको नतिजा प्रकाशन कार्यक्रम समेत गरेको छ । विद्यालयमा अध्ययनरत विद्यार्थीहरूको अभिभावक भेलाले विद्यालयलाई विभिन्न सुझावहरू समेत दिएको छ ।
त्यसैगरी विद्यालयका शिक्षकहरूले बालबालिकाको अवस्था, अभिभावकले घरमा बालबालिकालाई गर्नुपर्ने जिम्मेवारी लगायतका विषयमा जानकारी समेत दिएका छन् ।
कार्यक्रमका अतिथिहरूले विद्याज्योति माध्यमिक विद्यालयले पछिल्लो समय राम्रो काम गर्दै आएको र यसलाई थप प्रभावकारी बनाउन सबैले आआफ्नो ठाउँमा महत्वपूर्ण भूमिका खेल्ने प्रतिबद्धता समेत जनाएका छन् । कार्यक्रम विद्यालय व्यवस्थापन समितिका अध्यक्ष लोकेन्द्र रावलको अध्यक्षतामा सम्पन्न भएको हो ।
