११ बैशाख सुर्खेत
सुर्खेत जिल्लाको बाबियाचौरमा स्थानीय बाबियाचौर फुटबल क्लबको आयोजनामा सञ्चालन भएको BB9 Second च्यालेन्ज कप फुटसल प्रतियोगिता आज सम्पन्न भएको छ । बैशाख ९ गते देखि जारी प्रतियोगितामा विभिन्न १० टिमहरूको सहभागिता रहेको थियो ।
प्रतियोगिताको फाइनल खेल निकै प्रतिस्पर्धात्मक बनेको थियो । दुवै टिमले उत्कृष्ट प्रदर्शन गर्दै दर्शकलाई रोमाञ्चक खेलको अनुभूति गराएका थिए । अन्तत मिलनसार युवा क्लवले उपविजेता युनियन क्लब सालकोटलाई ०–५ गोलले पराजित गर्दै उपाधि हात पारेको हो ।
विजेता टिमलाई नगद २५ हजार र उप बिजेता टिमलाइ नगद ८ हजार पुरस्कार, ट्रफी, मेडल तथा प्रमाणपत्र प्रदान गरिएको आयोजकले जनाएको छ ।
आयोजक क्लबका अध्यक्ष तपेश थापाले प्रतियोगिता सफल बनाउन सहयोग गर्ने सम्पूर्णलाई धन्यवाद व्यक्त गर्दै आगामी दिनमा अझ भव्य रूपमा यस्ता कार्यक्रम आयोजना गरिने प्रतिबद्धता जनाएका छन । स्थानीय स्तरमा खेलकुद गतिविधि विस्तार गर्न यस प्रकारका प्रतियोगिताले महत्वपूर्ण योगदान पु¥याउने अपेक्षा गरिएको छ ।
