सुर्खेत ।
स्वास्थ्यका लागि खेलकुद राष्ट्रका लागि खेलकुद भन्ने नारा सहित सञ्चालन भएको खुला फुटबल प्रतियोगिता घाटगाउमा सम्पन्न भएको छ । चौकुने गाउपालिका वडा नं ९ को कार्यालय घाटगाउको सहयोग र घाटगाउ युवा क्लवको आयोजनामा कार्तिक १५ गतेदेखि सुरु भएको फुटबल प्रतियोगितामा १९ ओटा टिमको सहभागीता रहेको थियोे ।
चौकुने ९ को घाटगाउमा संचालन भएको खेलमा राजि युवा क्लव प्रथम र घाटगाउ युवा क्लवले दोस्रो स्थान प्राप्त गरेका छन । प्रथम हुनेलाइ नगद २५ हजार प्रमाणपत्र मेडल र दोस्रो हुनेलाई नगद १२ हजार मेडल प्रमाणपत्र प्रदान गरिएको स्थानीय ज्वाला प्रसाद खनालले जानकारी दिनुभएको छ । खेलकुदको समापन वडा नं ९ का वडा अध्यक्ष कबिराम खनालको प्रमुख आतिथ्यतामा सम्पन्न भएको हो ।
