८ कार्तिक, सुर्खेत
पञ्चपुरीको बाबियाचौरमा आजदेखि बृहत पञ्चपुरी खेलकुद तथा सांस्कृतिक महोत्सव २०८१ सुरु भएको छ । महोत्सवमा विभिन्न झाँकी सहित कार्यक्रममको उद्घाटन गरिएको छ । पञ्चपुरी कलाकेन्द्रको आयोजना तथा उद्योग वाणिज्य सङ्घ उपशाखा बाबियाचौर र बजार व्यवस्थापन समिति बाबियाचौरको सह आयोजनामा महोत्सव सञ्चालन भएको छ ।
कार्यक्रमको उद्घाटन गर्दै पञ्चपुरी नगरपालिका प्रमुख लालबीर भण्डारीले महोत्सबले कला संस्कृतिको संरक्षण र पर्यटनको क्षेत्रमा टेवा पुग्ने बताउनुभएको छ ।
कार्तिक ८ गतेदेखि १९ गतेसम्म सञ्चालन हुने महोत्सवमा थुप्रै राष्टिय तथा स्थानिय कलाकारहरूको प्रस्तुति रहने आयोजकले जनाएको छ । भोली कार्तिक ९ गते गायक सुकदेब अधिकारी र गायिका इब्सल संज्यालको प्रस्तुति रहने भएको छ । महोत्सव अवधिमा खेलकुद कार्यक्रम बाल उद्यान लगायत विभिन्न मनोरञ्जनका सामानहरू राखिएको छ ।
