पञ्चपुरी नगरपालिकाको स्थानीय तह निर्वाचनको मत गणना सुस्त देखिएको छ । शुक्रबार राति ११ बजे देखि सुरु गरिएको मतगणना १६ घण्टा पछि एउटा मात्रै वडाको मतगणना सकिएको छ । दुईवटा ठाउमा गणना सुरु गरिएको मतगणना स्थलमा पञ्चपुरी ११ को मतगणना गर्न मात्रै १६ घण्टा लागेको हो ।
१ हजार ८६ मत खसेको बिद्याज्योती आ बि कुईनेको मतगणना ढिलाइ हुदा स्थानीय आक्रोसित समेत बनेका छन । वडा नं १ मा ९ सय ५० मत गणना गर्न १० घण्टा लागेको छ । कम मत खसेको २ ओटा वडाको मतगणना गर्न १६ घण्टा लागे जस्तै अन्य ९ वटा वडाको मत गणना गर्न करिव ७ दिन लाग्ने देखिएको छ ।
यस बिषयमा जानकारी लिन खोज्दा निर्वाचन कार्यालय पञ्चपुरीका निर्वाचन अधिकृत नवीन कुमार भट्टले कर्मचारी भरपर्दो नभएको कारण मतगणनामा ढिलाइ भएको र प्रतिनिधिको बिचमा बेलाबेला हुने बिवादले ढिलो भएको भनेर बचाउ गरेका छन ।
मत गणनाको अन्तीम नतिजा आउन अझै १ हप्ता लाग्ने समेत बताएका छन ।
निर्वाचनको बारेमा बेला बेला अप्डेट गर्नको लागि मतगणना स्थलमा सञ्चारकर्मीलाइ समेत रोक लगाइएको छ ।
