सुर्खेतको पञ्चपुरी नगरपालिका वडा नं ५ मा रहेको ललित बिकको घरबाट प्रहरीले स्रोत नखुलेको नगद, गरगहना र सिक्का बरामद गरेको छ ।
ईलाका प्रहरी कार्यालय बाबियाचौरबाट आज दिउसो खटिएको प्रहरी टोलीले बिकको घरमा खानतलासी गर्दा स्रोत नखुलेको नगद २ लाख ५ हजार, सुन जस्तो देखिने पहेलो धातुको रिङ ६ थान, भारतीय सिक्का ३५ नेपाली सिक्का १५ थान र अरेबियन सिक्का ८ ओटा समेत बरामद गरेको छ ।
त्यसैगरी प्रहरीले विभिन्न बैंकको नाममा जारी भएको चेक तथा रकम जम्मा गरेको भौचर समेत बरामद गरेको छ । स्रोत नखुलेको रकम कहाँबाट र कसरी आयो भन्ने कुनै जानकारी नभएको र यस बिषयमा अनुसन्धान भइरहेको ईलाका प्रहरी कार्यालय बाबियाचौरका प्रहरी निरिक्षक टेकबहादुर देउवाले बताउनुभएको छ ।
