१४ भदौ , सुर्खेत
पञ्चपुरी नगरपालिका–२ पलैटेमा रहेको श्री सूर्य प्रकाश माध्यमिक विद्यालयमा शिक्षक–अभिभावक संघ गठन गरिएको छ ।
आज २०८३ भदौ १४ गते विद्यालयमा आयोजित बृहत् अभिभावक भेलाले अभिभावकहरूको उत्साहपूर्ण सहभागिताबीच नयाँ शिक्षक–अभिभावक संघ गठन गरेको हो ।
भेलाबाट सुरज कार्कीको अध्यक्षतामा ११ सदस्यीय शिक्षक–अभिभावक संघ गठन गरिएको छ। नवगठित संघको सदस्यमा भावना रोकाय, लक्ष्मी विक, दिपकला थापा, शान्ति कसेरा, सपना पहराइ, हिमाल चपाई, उमा सलामी मगर र तिलक रोकाय चयन भएका छन्।
त्यस्तै विद्यालयका प्रधानाध्यापक टिकाराम बास्तोला र विद्यालय व्यवस्थापन समिति अध्यक्ष यामबहादुर विसी पदेन सदस्य रहने व्यवस्था गरिएको छ।
नवगठित शिक्षक–अभिभावक संघलाई विद्यालयको शैक्षिक गुणस्तर सुधार, विद्यालय र अभिभावकबीचको सम्बन्ध सुदृढीकरण तथा विद्यार्थीको समग्र विकासमा महत्वपूर्ण भूमिका निर्वाह गर्ने अपेक्षा गरिएको छ। विद्यालयले नवगठित संघका पदाधिकारी तथा सदस्यहरूलाई सफल कार्यकालको शुभकामना व्यक्त गरेको छ।
