पञ्चपुरी नगरपालिका ९ को आयोजनामा ७५ बर्ष माथिका जेष्ठ नागरिक लाई सम्मान गरिएको छ । पञ्चपुरी नगरपालिकाको बिद्यापुरमा भएको कार्यक्रममा वडा भित्रका ९० जना जेष्ठ नागरिकलाई न्यानो कपडा बितरण गरिएको छ ।
कार्यक्रममा पञ्चपुरी नगरपालिका प्रमुख लालबिर भण्डारीले जेष्ठ नागरिक अभिभावक भएको हुदा उनिहरुको सल्लाह सुझाव लिएर अगाडि बढ्नुपर्नेमा जोड दिनुभएको छ । जेष्ठ नागरिकहरुलाई यतिबेला माया ममता र स्याहारसुसारको खाचो रहने भन्दै भण्डारीले जेष्ठ नागरिकका लागि आगामी कार्यक्रममा प्राथमिकता साथ विभिन्न कार्यक्रम ल्याउने बताउनुभएको छ ।
कार्यक्रममा वडा अध्यक्ष पुर्णप्रसाद घिमिरेले यसपटक ७५ बर्ष माथिका जेष्ठ नागरिक हरुलाई सम्मान कार्यक्रम गरेपनि आगामि दिनमा सबै जेष्ठ नागरिक समेटिने गरि कार्यक्रम ल्याउने र यसलाई निरन्तरता दिने बताउनुभएको छ ।
