१३ कार्तिक, सुर्खेत
पञ्चपुरीको बाबियाचौरमा सञ्चालन भएको बृहत पञ्चपुरी खेलकुद तथा सांस्कृतिक महोत्सव २०८१ मा आज देउडा गायीका गौरी भट्टको प्रस्तुती रहने भएको छ । थुप्रै देउडा गितमा स्वर दिएकी भट्टको आज महोत्सबमा देउडा विशेष हुने छ । पञ्चपुरी कलाकेन्द्रको आयोजना तथा उद्योग वाणिज्य सङ्घ उपशाखा बाबियाचौर र बजार व्यवस्थापन समिति बाबियाचौरको सह आयोजनामा महोत्सव सञ्चालन भएको छ ।
कार्तिक ८ गतेदेखि १९ गतेसम्म सञ्चालन हुने महोत्सवमा थुप्रै राष्टिय तथा स्थानिय कलाकारहरूको प्रस्तुति रहने आयोजकले जनाएको छ । महोत्सव अवधिमा खेलकुद कार्यक्रम बाल उद्यान लगायत विभिन्न मनोरञ्जनका सामानहरू राखिएको छ ।