१० कार्तिक, सुर्खेत ।
चिसापानी युवा क्लब पञ्चपुरी ५ बाबियाचौर सुर्खेतको आयोजनामा प्रथम चिसापानी कप २०८१ भलिबल प्रतियोगिता आजदेखि सुरु भएको छ । वडा नं ५ को टाँटीमा सञ्चालन भएको प्रतियोगितामा पञ्चपुरी नगरपालिका भित्रका १० वटा टिमको सहभागिता रहेको छ ।
प्रतियोगिताको उद्घाटन गर्दै पञ्चपुरी नगरपालिका वडा नम्बर ५ का अध्यक्ष नगेन्द्र बहादुर शाहीले खेलकुदले मानव स्वास्थ्यमा फाइदा पु¥याउने भएको हुँदा स्वास्थ्यको लागि खेलकुद महत्वपूर्ण हुने बताउनुभएको छ । साथै उहाँले खेलकुद कार्यक्रमका लागि वडा कार्यालयबाट निरन्तर सहयोग हुँदै आएको र आगामी दिनमा पनि आवश्यक सहयोग गर्ने प्रतिबद्धता समेत जनाउनुभएको छ ।
कार्यक्रममा नेपाली कांग्रेस पञ्चपुरीका सभापति कृपाराम थापा नेकपा एमाले पञ्चपुरीका अध्यक्ष भीमबहादुर रावत लगायतले कार्यक्रमको सफलताको शुभकामना व्यक्त गर्नुभएको थियो । कार्यक्रममा आज भएको उद्घाटन खेलमा पञ्चपुरी वडा नम्बर ५ र पञ्चपुरी वडा नम्बर १० को टिम विजेता बनेको छ । प्रतियोगितामा प्रथम हुने टिमलाई नगद ३० हजार र दोस्रो हुने टिमलाई नगद १५ हजार पुरस्कार दिने आयोजकले जनाएको छ ।
