सुर्खेत ।
सुर्यप्रकाश माद्यामिक विद्यालय पञ्चपुरी २ पलैटमा दशै मिलन तथा चियापान कार्यक्रम सम्पन्न भएको छ । विद्यालयमा अध्ययन गरेका पुर्ब विद्याथीहरुसँग दशै मिलन तथा चियापान कार्यक्रम गरिएको विद्यालयले जनाएको छ ।
दशै मिलन तथा चियापान कार्यक्रममा नेपाली काँग्रेस जिल्ला उप सभापति टोप बहादुर रावत, क्षेत्रिय सभापति ईन्द्र बहादुर रावल, नगर सभापति कृपाराम थापा, नेकपा एमाले पञ्चपुरी नगर कमिटी सचिव झक्की बहादुर सिजापती लगायतले आफुलाई सफल बनाउन किताबी ज्ञानसँगै व्यवहारिक ज्ञान महत्वपुर्ण हुने बताउनुभएको छ । कार्यक्रमले बिद्यालयको हितका लागि एकजुट हुन मद्दत पुग्ने बताउनुभएको छ ।
सहभागीहरुले असल आचरण र सकारात्मक क्रियाकलाप गर्दै संस्कार युक्त शिक्षा हासिल गर्नु आजको आवश्यकता भएको बताएका छन । विद्यालय व्यवस्थापन समितीका अध्यक्ष नविन थापाको अध्यक्षता कार्यक्रम गरिएको हो ।
त्यसैगरी आजै लाइन्स क्लब अफ सुर्खेत बुलबुलेको आयोजनामा शिब शक्तिधाममा दशै मिलन तथा शुभकामना आदानप्रदान कार्यक्रम सम्पन्न गरेको छ । सिद्धबाबा आध्यात्मिक प्रतिष्ठान कर्णाली प्रदेश समितीका अध्यक्ष तिलकराम अधिकारीको प्रमुख आतिथ्यता एवं पञ्चपुरी नगरपालिका प्रमुख लालबिर भण्डारीको विशेष आतिथ्यतामा कार्यक्रम गरिएको हो ।
