सुर्खेत । सुर्खेतको पञ्चपुरी नगरपालिका–५ बाबियाचाैरबाट हिजाे बेलुका अन्दाजी ५ बजेकाे समयमा पाँच बोरा चिनी बरामद गरिएको छ । बाबियाचाैर बजार नजिकै रहेकाे विद्युत कार्यालयको भित्री सडकखण्ड अन्तर्गत सडक छेउमा बेवारिसे अवस्थामा रहेको ५ बोरा चिनी बरामद भएको इलाका प्रहरी कार्यालय बाबियाचाैरले जनाएकाे छ ।
कार्यालय बाबियाचौरका अनुसार चिनीको तौल अन्दाजी २५० किलो रहेको छ । उक्त बरामद गरिएकाे चिनी ईलाका प्रहरी कार्यालय बाबियाचौरमा राखिएको र मुचुल्का गरेर भन्सार कार्यालय नेपालगंज पठाउने तयारी गरिएकाे प्रहरी निरिक्षक बिनाेद सुबेदीले जानकारी दिनुभएकाे छ ।
