१२ असोज सुर्खेत
सुर्खेतको पञ्चपुरी नगरपालिका वडा नं. ५ मा बाबियाचौर स्केट पार्क सञ्चालनमा हुने भएको छ । सुर्खेतको पञ्चपुरी नगरपालिकामा अत्याधुनिक सुविधा सहितको बाबियाचौर स्केट पार्क सञ्चालनको लागि काम तिब्र गतिमा अघि बढेको छ । करिब ४० लाख लागतमा बन्न लागेको पार्क कर्णाली प्रदेशकै दोस्रो ठुलो र सुविधासम्पन्न हुने सञ्चालक चन्द्र भाटले जानकारी दिएका छन् ।
स्थानिय युवा पुर्ण बहादुर रावल, चन्द्रबहादुर भाट र पुरन रिमालको सक्रियता र लगानीमा बाबियाचौर स्केट पार्क संचालमा आउन लागेको हो । सञ्चालनको तयारीमा रहेको बाबियाचौर स्केट पार्क करिव ५ हजार बर्गफिटमा बनेको स्केट पार्क बच्चा देखि युवा सबै उमेर समुहका लागि उपयुक्त रहेको सञ्चालक पक्षको दावी रहेको छ ।
२०८१ सालको बिजयादशमी सम्म उद्घाटन हुने बाबियाचौर स्केट पार्कमा दक्ष प्रशिक्षक र कर्मचारी रहने र ढुक्कसँग खेल्नको लागि सुरक्षा उपकरणको पनि व्यावस्था हुने सञ्चालक पक्षले जनाएको छ । उद्घाटन अफरको रूपमा २५ प्रतिसत छुट दिने सञ्चालकहरूले जानकारी दिएका छन ।
