विश्व युवा दिवसको अवसरमा ‘दिगो विकास लक्ष्य प्राप्तिमा युवाको साथ, हरित विश्व निर्माणमा हरित सीप विकास’ भन्ने मुल नाराका साथ वृक्षारोपण सम्पन्न गरिएक छ। पञ्चपुरी नगरपालिकाको वडा नम्बर ५ स्थित शिवधाम धार्मिक स्थलमा रिठ्ठा, अम्वाका करिब १ सय बढि बिरुवा लगाईएकाे छ । पञ्चपुरी मानव अधिकार समूह ( इन्सेक ) र आवाज संस्थाको संयुक्त सहयोगमा वडानम्बर ५ को शिवधाम धार्मिक स्थलमा वृक्षारोपण गरिएको हो ।
कार्यक्रममा शिवधाम धार्मिक संस्थाका अध्यक्ष नवलसिंह देउवाले योे समयमा वृक्षारोपण गर्दा धेरै नै फाइदा हुने भएकोले आयोजक संस्थाप्रति धन्यवाद दिनुभएको छ । कार्यक्रममा ईलाका प्रहरी कार्यालय बाबियाचौर, महिला सञ्जाल, शिवधाम धार्मिक स्थल समिति, इन्सेकद्वारा गठित पञ्चपुरि मानव अधिकार समूह, पत्रकार, आवाज संस्था, नेपाल रेडक्रस सोसाइटी विद्यापुर शाखा, वडा नम्बर ५ को कार्यालयदेखि विभिन्न संघ संस्थाको सहभागिता रहेको थियो ।
