सुर्खेतको पञ्चपुरी नगरपालिकामा  किशोर किशोरी प्रजनन स्वास्थ्य कार्यक्रम अन्तरगत समूह गठनका लागि नगर तथा गाउपालिका स्तरीय नक्साङ्कन अभ्यास सञ्चालन कार्यक्रम गरिएको छ । आयोन संस्थाले नगरपालिकामा ६ ओटा वडामा काम गरिरहेको छ । केयर नेपाल र नेपाल युवा संस्था सञ्जाल,HDICRS कम्पनी, Jhpiego को प्राबिधिीक सहयोग र समाज जागरण केन्द्र स्याक नेपालको आयोजनामा कार्यक्रम सञ्चालन भएको हो ।
नगरपालिकामा रहेका १,४, ७, ८, १० र ११ नंम्बर वडामा सञ्चालन भएको कार्यक्रम वडा तथा टोल स्तरमा गठन हुने किशोर किशोरी तथा अभिभावक समूहको स्थानको छनौट गरिएको  पालिका स्तरिय श्रोत ब्यक्ती कृष्ण बिकले जानकारी दिनुभएको छ । ।
किशोर किशोरीहरुलाई घरपरिवार तथा समुदायबाट स्वस्थ व्यावहारको अभ्यासद्वारा उनीहरुको आफ्नो पूर्ण सक्षमता पुर्याउन सहयोग गर्ने र सार्वजनिक प्रणाली एवं निजी संस्थाहरूलाई किशोरकिशोरी मैत्री सेवा सुविधा प्रदान गर्दै उत्पादकत्व वृद्धिको निम्ति सवलिकरण गर्दै जाने उदेश्यको बारेमा युवा परिचालन अधिकृत रेखा वलीले जानकारी दिनुभएको छ ।
कार्यक्रममा परियोजना लागु भएक वडाका जनप्रतिनिधी, शिक्षक प्रतिनिधी, बिद्यार्थी, युवा समुहका प्रतिनिधी, स्वास्थ्यकर्मी लगाएतको सहभागिता रहेको थियो ।