सुर्खेतको पञ्चपुरी नगरपालिकामा ब्राह्मण समाज नेपालको शाखा विस्तार,

74 पटक हेरिएको

सुर्खेत ।
ब्राह्मण समाज नेपाल अन्तर्गत सुर्खेतको पञ्चपुरी नगरपालिकामा आज शाखा विस्तार गरिएको छ। नगरपालिकामा भएका ब्राह्मणहरूको भेलाबाट १३ सदस्य शाखा गठन गरिएको हो । रामप्रसाद तिमिल्सिनाको अध्यक्षतामा सो समिति गठन गरिएको हो ।

कार्यक्रममा बोल्दै पञ्चपुरी नगरपालिका प्रमुख लालवीर भण्डारीले समुदायमा हुने गरेका विभिन्न बालविवाहका कुरालाई पण्डितहरुले पनि रोक्नका लागि पहल गर्नुपर्ने बताउनुभएको छ। विवाह गर्ने उमेर २० वर्ष पुग्नुपर्ने र २० वर्ष नपुगेको खण्डमा पण्डितहरुले विवाह नगरिदिएमा बालविवाह रोक्नमा थप सहयोग हुने समेत उहाँले बताउनुभएको छ । साथै भण्डारीले बालविवाह गर्ने गराउने सहित विवाह मण्डपमा सहभागी पुरोहित समेतलाई उमेर नपुगी विवाह गरेमा कारबाही हुने भएको हुँदा त्यसतर्फ पनि सचेत रहनुपर्नेमा जोड दिनुभएको छ ।

साथै उहाँले नगरपालिकाले पञ्चपुरीको वडा नं ५ मा रहेको शिवधाम धार्मिक संस्थामा गुरुकुल विद्यालय समेत सञ्चालन गरेको हुँदा गुरुकुल विद्यालयमा विद्यार्थीलाई व्यवस्थापन गर्नको   पण्डितहरूको पनि महत्त्वपूर्ण भूमिका हुने बताउनुभएको छ । गुरुकुल विद्यालय व्यवस्थित गराउनको लागि भण्डारीले सबैलाई आग्रह समेत गर्नुभएको छ। कार्यक्रममा सहभागी पण्डित ब्राह्मणहरूले कर्मकाण्डको विषयलाई एकरूपता ल्याउनको लागि साझा बुझाई र धारणा बनाउने समेत बताएका छन्। कार्यक्रममा ब्राह्मण समाज नेपाल सुर्खेतका अध्यक्ष तिलकराम चालिसे सहभागितामा सम्पन्न भएको हो।

यो खबर पढेर तपाईलाई कस्तो महसुस भयो ?🤔

प्रतिक्रिया दिनुहोस्

Your email address will not be published. Required fields are marked *

खोजि गर्नुहोस ...