जनज्योति माद्यामिक बिद्यालय पञ्चपुरी १० जामुको ५० औ बार्षिकउत्सब तथा स्वर्ण जयन्ती हिजो विभिन्न कार्यक्रम गरि मनाईएको छ ।
बार्षिकोत्सब कार्यक्रमको उद्घाटन गर्दै पञ्चपुरी नगरपालिका प्रमुख लालबिर भण्डारी बिद्यालयको बिकासको लागि आफु निरन्तर लागिपर्ने बताउनुभएको छ । आफुलाइ ततापानीका नागरिकले गरेको सहयोग र माया सधैं स्मरणीय रहेको बताउदै भण्डारीले कक्षा ११ सञ्चालनमा नगरपालिका बाट हुनसक्ने सहयोग गर्ने प्रतिबद्धता जनाउनुभएको छ ।
त्यसैगरी वडा अध्यक्ष हरिप्रसाद ढकालले बिद्याललाई स्थानीय तहबाट हुने सहयोग गर्ने र शैक्षिक क्षेत्रमा राजनीति दृष्टिकोण राख्न नहुने समेत बताउनुभएको छ । बार्षिकोत्सब कार्यक्रममा नेपाली कांग्रेसका इन्द्रबहादुर रावल, कृपाराम थापा, बेदराज भण्डारी, नेकपा माओवादीका केशब शाही, नेकपा एमालेका शुरेस शर्मा लगाएतले बिद्यालयको सफलताको शुभकामना समेत दिनुभएको छ ।
कार्यक्रममा बिद्यालयका पुर्व प्रधानाध्यापक, बिब्यस, जग्गादाता लगाएतलाई सम्मान समेत गरिएको छ । कार्यक्रममा विभिन्न साँष्कृतिक नृत्य समेत प्रस्तुत गरिएको थियोे । शिक्षक कमल बिकले सञ्चालन गरेको कार्यक्रम बिद्यालय ब्यवस्थापन समितिका अध्यक्ष टिकाराम ढकालको अध्यक्षतामा सम्पन्न भएको हो ।
