पञ्चपुरी नगरपालिकाको सहयोग तथा महिला बालबालिका तथा जेष्ठ नागरिक उपशाखाको आयोजनामा जेष्ठ नागरिक हरुलाई आज सम्मान गरिएको छ । नगरपालिकामा रहेका ८५ बर्ष देखि ९० बर्ष सम्मका जेष्ठ नागरिकहरुलाई कम्वल बितरण गरिएको हो ।
कार्यक्रममा जेष्ठ नागरिकहरुलाई नगरपालिका प्रमुख लालवीर भण्डारी, उप प्रमुख मुक्ति रेग्मी लगाएतले सम्मान गर्नुभएको छ ।
नगरपालिकाको वडा नं १ र ७ का जेष्ठ नागरिकहरुलाई घरमै पुगेर बितरण गरिने भएको छ । पञ्चपुरी नगरपालिकाले हरेक बर्ष जेष्ठ नागरिक हरुलाई सम्मान कार्यक्रम सञ्चालन गर्दै आएको छ ।
नगरपालिकाले प्रत्येक बर्ष सम्मान गर्ने संस्कारले जेष्ठ नागरिक हरुलाई आत्म सम्मान मिलेको जेष्ठ नागरिकहरुले बताएका छन । नगरपालिका ले गत बर्ष ९० बर्ष माथिका जेष्ठ नागरिकलाई सम्मान गरेको थियोे ।
