धनकुटा महोत्सवमा गायक प्रमोद खरेलको ‘कन्सर्ट’ हेर्न आएकाको अनियन्त्रित भीडमा परी २५ जनाभन्दा बढी घाइते भएका छन् । उनीहरूमध्ये तीन जना गम्भीर छन् । धनकुटा नगरपालिका वडा नं ५ टुँडिखेलस्थित महोत्सवस्थलमा क्षमताभन्दा बढी दर्शक भएपछि ठेलमठेल हुँदा सो घटना भएको हो ।
जिल्ला प्रहरी कार्यालय, धनकुटाका अनुसार झडपमा धनकुटाको मारेकटहरेकी श्रेया कटुवाल, महालक्ष्मी नगरपालिका जीतपुरकी कुसुम श्रेष्ठ, उनका छोरा प्रकट श्रेष्ठ, सुनिल लिम्बु, धनकुटा-५ की शान्ता योगी, सित्तलपाटीकी विनिता लिम्बु, हिलेका नन्दकुमार तामाङ, आईत राई, उदीप राई, विशाल तामाङ, धनकुटा-७ की अंशु सुवेदी, पाख्रिवासका अनिस कार्की घाइते भएका छन्। झडपमा घाइते भएकामध्ये सात जनाको अवश्था गम्भीर रहेको प्रहरीले जनाएको छ।
घाइत ओसार्न एम्बुलेन्स अभाव भएपछि जिल्लाका सबै सरकारी गाडी प्रयोग गरिएको छ । निमित्त प्रजिअ अधिकारीले घाइतेलाई अस्पताल पुर्याउनका लागि सरकारी कार्यालयका सवारीसाधन प्रयोग गर्न आफूले निर्देशन दिएको बताइन् ।
