पञ्चपुरी नगरपालिका वडा नं ६ को कार्यालयले आज पुर्ब खेलाडीहरुलाइ सम्मान गरेको छ । खेलको विभिन्न बिधामा योगदान गरेबापत वडा नं ६ मा रहेका पुर्व खेलाडीहरु राम बहादुर बिष्ट, नन्द बि क, मन बहादुर बरै, डम्बर बि सि लगाएतलाई सम्मान गरिएको हो ।
त्यसैगरी वडाले राष्ट्रिय फुटवल खेलाडी धनसिंह बि क लाई समेत सम्मान गरेको छ । साथै बिक लाई थप खेल क्षेत्रमा हौसला प्रदान गर्नको लागि मासिक १ हजारका दरले वडाबाट खाजा खर्च उपलब्ध गराउने वडा अध्यक्ष नरबहादुर सिजापतिले बताउनुभएको छ । वडा कार्यालयले आज एक थान जुता र १ थान जर्सी बिकलाइ हस्तान्तरण गरेको छ ।
सम्मान कार्यक्रममा वडा अध्यक्ष सिजापतीले खेल र खेलाडीको क्षमता बिकासका लागि आगामी दिनहरुमा थप आवश्यक लगानी गर्ने समेत प्रतिबद्धता समेत जनाउनुभएको छ ।
