सुर्खेतमा स्थापना गरिएको फिस्टुला उपचार केन्द्रबाट पछिललो ६ बर्षयता २३४ जनाले सेवा लिएका छन् । अस्पतालका अनुसार सन २००९ भन्दा पहिला आई एन एफ नेपालले पश्चिमाञ्चल, मध्यमश्चिमाञ्चल र सूदुरपश्चिमाञ्चल क्षेत्रका दुर्गमा जिल्लाहरुमा स्त्रीरोग सम्वन्धी शिबिर संचालन गर्ने क्रममा केही फिस्टुलाका बिरामीहरु पत्ता लागेका थिए । तिनीहरुलाई काठमाडौको पाटन अस्पतालमा प्रेषण गरिएको थियो । प्रेषण गरिएका कतिपय बिरामीहरु आर्थिक अभावका कारण काठमाडौंसम्म जान असमर्थ भएका थिए ।
फिस्टुलाबाट पिडित महिला बिरामीहरुलाई सुर्खेतबाट नै निशुल्क सेवा प्रदान गर्ने उदेश्य राखेर आई. एन.एफ नेपालमा स्वयंसेवकको रुपमा कार्यरत बेलायती नागरिक स्त्रीरोग बिशेषज्ञ डा. शेली हेउड सन् २००८ मा ईथियोपियाबाट फिस्टुलाको शल्यक्रिया सम्वन्धी तालिम प्राप्त गरि फर्केका थिए ।
त्यसपछि सन २००९ देखी तत्कालिन म.प.क्षेत्रीय अस्पताल सुर्खेत र आई.एन.एफ नेपाल सुर्खेतको सहकार्यमा बार्षिक शिबिरको आयोजना गरि फिस्टुलाबाट पिडित महिला बिरामीहरुका लागि निशुल्क सेवा प्रदान गर्न थालियो । प्रत्येक वर्ष निशुल्क शिबिरको आयोजना गरि सन् २०१८ सम्ममा २४५ जना बिरामीहरुको शल्यक्रिया गरिएको थियो । भने फिस्टुला उपचार केन्दबाट २३२ गरि जम्मा ४७७ जना फिस्टुलाबाट पिडित बिरामीहरुको शल्यक्रिया गरि उपचार गरिएको छ । त्यसैगरि सन् २०११ देखी सन् २०१७ सम्ममा पश्चिमाञ्चल, मध्य पश्चिमाञ्चल र सुदुरपश्चिमाञ्चल बिकास क्षेत्रका विभिन्न जिल्ला स्वास्थ्य कार्यालय अन्तरगत रहेका स्वास्थ्य संस्थामा कार्यरत २३९८ जना स्वास्थ्य कर्मीहरुलाई फिस्टुला सम्वन्धी तालि प्रदान गरिएको थियो ।
यसै गरि जनबरी २०२० देखी दोस्रो चरणको फिस्टुलाको जनचेतनाका लागि अभिमुखीकरण, कार्यक्रम शुरु गरि हाल कर्णाली, लुम्बिनी र सुदूरपश्चि प्रदेशका बिभिन्न जिल्लाहरुमा संचालन भैरहेको छ । यस अवधीमा लुम्विनी, कर्णाली, र सूदुरपश्चिम प्रदेशका विभिन्न जिल्लाका महिला सवयंसेवीका, आमासमूह, स्वास्थ्यकर्मी, डाक्टर, नर्स बिद्याथी, र समूदायका मानिस गरि जम्मा ४१,४१९ जनालाई फिस्टुला सम्वन्धी अभिमुखीकरण कार्यक्रम संचालन गरिएको अस्पतालले जनाएको छ ।
प्रदेश अस्पताल, कर्णाली प्रदेश सुर्खेतबाट नियमितरुपमा फिस्टुलाको उपचार सेवा प्रदान गर्नका लागि तत्कालिन म.प.क्षेत्रीय अस्पताल सुर्खेत र आई एन एफ नेपाल सुर्खेतको विचमा फिस्टुला उपचार केन्द्रको स्थापना गरि नियमित सेवा प्रभाह गर्ने उदेश्य राखि १६ मे २०१४ मा फिस्टुला केन्द्रको स्थापनाको लागि प्रदेश अस्पताल कर्णाली प्रदेश सुर्खेत सेवा प्रभान एफ नेपाल सुर्खेतको बिचमा सम्झौता गरिएको थियो ।
सामाजिक विकास मन्त्रालयका स्वास्थ्य महाशाखा प्रमुख बृष बहादर शाहीले फिष्टुलाको उपचार र समस्या आउनै नदिनका लागि प्रदेश सरकारले आवश्यक कार्यक्रम निर्माण गर्ने बताउनुभयो । साइनिङ्ग अस्पताल आइएन एफ सुर्खेतका कार्यक्रम संयोजक ललित सारूले फिष्टुलाका बिरामीहरु अझैपनि जनचेतनाको अभावमा अस्पतालसम्म आउन नसकेको भन्दै अब सचेतना अभिवृद्धिका लागि विद्यालय तहको पाठ्यक्रम समावेश गर्नुपर्ने बताउनुभयो । कार्यक्रम अस्पताल विकास समितिका अध्यक्ष प्रेमबहादुर घलेको अध्यक्षतामा सम्पन्न भएको थियो ।
